Karibu jimbo kuu la Kusini Mashariki mwa Tanzania. Sisi ni sehemu ya Kanisa la Waadventista wa sabato ambayo ni jamii ya watu waliokusudia kukuza uhusiano wa karibu kabisa na Mungu pamoja na kuwa na mwenendo kama aliokuwa nao Yesu. Kiini cha utume wetu ni kuushuhudia ulimwengu juu ya tumaini pekee lenye baraka linalotokana na uzoefu binafsi wa mahusiano bora na Mungu Mwokozi wetu mwenye Upendo, na kujiandaa kwa tukio kubwa kabisa la marejeo yake ambayo yamekaribia sana.

Kanisa la Waadventista wa sabato linajitambua kuwa kanisa la masalio la unabii wa Biblia wa siku za mwisho. Washiriki wa kanisa hili kwa pamoja huelewa jukumu lao maalumu kama mabalozi wa ufalme wa Mungu, na wajumbe wa marejeo ya Yesu Kristo yaliyo karibu. Waadventista wasabato wamejiandikisha kama jeshi la wafanyakazi pamoja na Mungu katika utume wa kuurejesha ulimwengu kutoka katika nguvu na uwepo wa uovu, kama sehemu ya pambano kuu baina ya Kristo na Shetani. Kwa hiyo, kila hali ya maisha ya mshiriki wa Kanisa huathiriwa na kusadiki na kuamini kuwa tunaishi katika siku za mwisho za unabii wa Biblia na kwamba kurudi kwa Yesu Kristo kuko karibu sana. Waadventista wasabato wameitwa na Mungu kuishi katika ulimwengu huu. Kila tendo la maisha ya Mkristo hufanyika “katika jina la Yesu” na kutangaza ufalme wake.